ചോറോട്:(vatakara.truevisionnews.com)തദ്ദേശ സ്വയം ഭരണ സ്ഥാപനങ്ങളിലേക്കുള്ള തെരെഞ്ഞെടുപ്പിന് മുന്നോടിയായി പാർട്ടിയെ സജ്ജമാക്കുക എന്ന ലക്ഷ്യത്തോടെ ചോറോട് മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ ക്യാമ്പ് എക്സിക്യൂട്ടീവ് സംഘടിപ്പിച്ചു.
ക്യാമ്പ് എക്സിക്യൂട്ടീവ് കെപിസിസി സെക്രട്ടറി വി. എം ചന്ദ്രൻ ഉദ്ഘാടനം ചെയ്‌തു.
മണ്ഡലം കോൺഗ്രസ് കമ്മിറ്റി പ്രസിഡൻ്റ് അഡ്വ : പി. ടി. കെ നജ്‌മൽ അധ്യക്ഷത വഹിച്ചു.
വടകര ബ്ലോക്ക് കോൺഗ്രസ് പ്രസിഡൻ്റ് സതീശൻ കുരിയാടി ക്യാമ്പിൽ പ്രവർത്തന മാർഗ്ഗ രേഖ അവതരിപ്പിച്ചു.
ഗ്രാമീണ തൊഴിലുറപ്പ് പദ്ധതിയിൽ 100 ദിനം പൂർത്തിയാക്കിയ തൊഴിലാളികൾക്ക് സർക്കാർ പ്രഖ്യാപിച്ച ഉത്സവ ബത്ത നൂറു ദിനമെന്ന മാനദണ്ഡം ഒഴിവാക്കി മുഴുവൻ തൊഴിലുറപ്പ് തൊഴിലാളികൾക്കും നൽകണമെന്ന് ചോറോട് മണ്ഡലം ക്യാമ്പ് എക്സിക്യൂട്ടീവ് പ്രമേയത്തിലൂടെ ആവശ്യപ്പെട്ടു.
ആവോലം രാധാകൃഷ്ണൻ, കെ പി കരുണൻ, എ, ഭാസ്ക്കരൻ, ബാബു ഒഞ്ചിയം, സി നിജിൻ മാസ്റ്റർ, രാജേഷ് ചോറോട്, സുകുമാരൻ ബാലവാടി, കെ. വി മോഹൻദാസ്, കെ. ജി രാഗേഷ്, രമേശൻ കിഴക്കയിൽ,ബിന്ദു വാഴയിൽ,ഷാജി. ഐ. കെ. കെ റിനീഷ്,ചെനേങ്കി ബാലകൃഷ്ണൻ, കാർത്തിക് ആർ, വിജയ് പ്രകാശ് തുടങ്ങിയവർ സംസാരിച്ചു.
#Camp #Executive #allowance #should #ensured #for #all #guaranteed #workers #Chorode #Mandal #Congress
