വടകര: മടപ്പള്ളി ഗവ. കോളേജിലെ പൂർവ്വ വിദ്യാർത്ഥികളുടെ ഓർമ്മകളെ ഉൾക്കൊള്ളിച്ച് 'മടപ്പള്ളി ഓർമ്മ' യുടെ 'പറഞ്ഞുതീരാത്ത കഥകൾ' എന്ന കഥാസമാഹാരം പ്രകാശനം ചെയ്തു. കഥാസമാഹാരം കേരള സംഗീത നാടക അക്കാദമി അവാർഡ് ജേതാവ് രമേശ് കാവിൽ പ്രകാശനം ചെയ്തു.
മടപ്പള്ളി ഗവ. കോളേജ് പ്രിൻസിപ്പൽ പി എം ഷിനു പുസ്തകം ഏറ്റുവാങ്ങി. മുനിസിപ്പൽ പാർക്ക് ഓഡിറ്റോറിയത്തിൽ നടന്ന ചടങ്ങിൽ മടപ്പള്ളി ഓർമ്മ പ്രസിഡണ്ട് വടയക്കണ്ടി നാരായണൻ അധ്യക്ഷൻ ആയി. ഗോപിനാരായണൻ പുസ്തകം പരിചയപ്പെടുത്തി. മടപ്പള്ളി ഓർമ്മ കോഡിനേറ്റർ ടിടി മോഹനൻ റിപ്പോർട്ട് അവതരിപ്പിച്ചു.
രമേശ് കാവിലിനെ റിട്ട. ഡിഡിഇ മനോജ് മണിയൂരും പുസ്തകത്തിൻറെ കവർ രൂപകൽപ്പന ചെയ്ത ശശി കൃഷ്ണനെ ഓർമ്മ ട്രഷറർ സന്തോഷ് കുറ്റിയിലും ആദരിച്ചു. പുസ്തകം എഡിറ്റോറിയൽ ബോർഡ് അംഗം സഈദ നടേമ്മൽ, എംപി മുരളി, അഡ്വ. മനോജ് കുമാർ, എംടികെ പ്രദീപ്, ഒകെ ശ്യാമള തുടങ്ങിയവർ സംസാരിച്ചു.
പൂർവ്വ വിദ്യാർത്ഥികളായ യേശുദാസൻ, സുന്ദരൻ തോലേരി, ഓസ്കാർ മനോജ്, മുരളീധരൻ വൈക്കിലിശ്ശേരി, എൻ ഷമിദ, വി പി ബബിത, പി കെ ഗൗരി തുടങ്ങിയവർ കലാപരിപാടികൾ അവതരിപ്പിച്ചു. 23 കഥകളാണ് ഈ സമാഹാരത്തിൽ ഉള്ളത്. കഥാകൃത്ത് വി ആർ സുധീഷ് ആണ് അവതാരിക എഴുതിയത്. തലശ്ശേരിയിലെ പ്രിൻ്റിംഗ് പാർക്ക് ആണ് അച്ചടി നിർവഹിച്ചത്.
Content Highlight: Madappally Orma new collection of stories released
