തോടന്നൂർ: (vatakara.truevisionnews.com) വിദ്യാർത്ഥികൾക്കും രക്ഷിതാക്കൾക്കും വേറിട്ട അനുഭവമായി മാറി തോടന്നൂർ യു.പി.സ്കൂളിലെ പഠനോത്സവം. പൊതുവിദ്യാഭ്യാസ വകുപ്പിൻ്റെ സമഗ്ര പഠന പരിപോഷണ പരിപാടിയിലൂടെ വിദ്യാലയങ്ങളിലുണ്ടായ അക്കാദമിക മികവിനെ സമൂഹത്തിന് മുന്നിൽ അവതരിപ്പിക്കുന്ന പരിപാടിയാണ് പഠനോത്സവം.
ഓരോ വിഷയത്തേയും അധികരിച്ച് സ്കിറ്റ്, ദൃശ്യാവിഷ്കാരം, പ്രസംഗം, കവിത, നാടൻ പാട്ടുകൾ, എയറോബിക് ഡാൻസ് എന്നിവ അരങ്ങേറി.
അടിസ്ഥാന ശാസ്ത്രം, സാമൂഹ്യ ശാസ്ത്രം, ഗണിതം, പ്രവൃത്തി പരിചയം തുടങ്ങിയ വിഷയങ്ങളുമായി ബന്ധപ്പെട്ട പഠനോത്പ്ന്നങ്ങളുടെ പ്രദർശനവും പ്രത്യേക ശ്രദ്ധ പിടിച്ചു പറ്റി. ലഹരിക്കെതിരെയുള്ള ഫ്ലാഷ് മോബും നേരത്തെ വിദ്യാർത്ഥികൾ അവതരിപ്പിച്ചിരുന്നു.
പഠനോത്സവം ഗ്രാമ പഞ്ചായത്ത് അംഗം രമ്യ പുലക്കുന്നുമ്മൽ ഉദ്ഘാടനം ചെയ്തു.പി.ടി.എ.പ്രസിഡൻറ് എ.ടി. മൂസ്സ അധ്യക്ഷത വഹിച്ചു.തോടന്നൂർ ബി.പി.സി.വി.എം സുരേന്ദ്രൻ, പ്രധാനാധ്യാപകൻ സജിത്ത്.സി.ആർ, സാബിറ ഇ.കെ, വി.കെ.സുബൈർ, പി.ശുഭ എന്നിവർ സംസാരിച്ചു.
#Thodannoor #UP #School #Study #Festival #unique #experience
_(17).jpeg)
