വടകര:(vatakara.truevisionnews.com) മണിയൂർ പഞ്ചായത്തിലെ പതിയാരക്കരയിലും പരിസര പ്രദേശങ്ങളിലും കഴിഞ്ഞ നാല് ദിവസത്തിനിടെ ആറോളം കാട്ടുപന്നികളെ ചത്ത നിലയിൽ കണ്ടെത്തിയത് വലിയ ആശങ്കയ്ക്ക് കാരണമായിട്ടുണ്ട്.
ജെ.പി റോഡ്, ചോയിനാണ്ടി താഴ, കൊളോമ്പ്രത്ത് താഴ തുടങ്ങിയ ഇടങ്ങളിൽ ജഡങ്ങൾ പുഴുവരിച്ച നിലയിൽ കണ്ടതിനെ തുടർന്ന് നാട്ടുകാർ തന്നെയാണ് ഇവ കുഴിച്ചുമൂടിയത്. കഠിനമായ ചൂടായിരിക്കാം മരണകാരണമെന്നാണ് പ്രാദേശിക നിഗമനമെങ്കിലും, മരണസംഖ്യ ഉയരുന്ന സാഹചര്യത്തിൽ കൃത്യമായ പോസ്റ്റ്മോർട്ടം നടപടികളിലൂടെ കാരണം വ്യക്തമാക്കണമെന്ന് നാട്ടുകാർ ആവശ്യപ്പെടുന്നു.
ആരോഗ്യവിഭാഗത്തെ വിവരമറിയിച്ച പ്രദേശവാസികൾ, വന്യമൃഗങ്ങളിൽ പടരുന്ന പകർച്ചവ്യാധികൾ വല്ലതുമാണോ ഇതെന്ന കാര്യത്തിൽ ആശങ്ക പ്രകടിപ്പിക്കുന്നുണ്ട്.
Wild boars are dying in droves at Maniyoor Pathiyarakkara; locals are worried
