പുതുപ്പണം:(vatakara.truevisionnews.com) സിദ്ധാന്തപുരം പ്രദേശത്ത് വായനശാല എന്ന ലക്ഷ്യവുമായി പുതുപ്പണം വിജയ ക്ലബ്ബ് സംഘടിപ്പിച്ച "പുസ്തകപ്പയറ്റ്" ശ്രദ്ധേയമായി.
ജനപങ്കാളിത്തം കൊണ്ട് വേറിട്ടുനിന്ന ചടങ്ങിൽ മുന്നൂറിലധികം പുസ്തകങ്ങൾ ശേഖരിക്കാൻ സാധിച്ചു. വായനയെ പ്രോത്സാഹിപ്പിക്കുന്നതിനായി വഴിയോരങ്ങളിൽ "പുസ്തകക്കൂടുകൾ" സ്ഥാപിച്ച വിജയ ക്ലബ്ബിന് ജനങ്ങൾ നൽകുന്ന പിന്തുണയുടെ തെളിവായി ഈ സമാഹരണം മാറി.
ഇതോടനുബന്ധിച്ച് നടന്ന സാംസ്കാരിക സദസ്സിൽ ക്ലബ്ബ് പ്രസിഡന്റ് എ.പി രാജൻ അധ്യക്ഷത വഹിച്ചു. പി.എം രമേശൻ സ്വാഗതം പറഞ്ഞു. മുനിസിപ്പൽ കൗൺസിലർമാരായ അജിത, വി.കെ ദിലീപ്, ഇ.കെ ബിജു, ഷിനിൽ വി.എം, ടി.ടി പ്രസാദ്, റോഷൻ എ.കെ, രജീഷ് കുമാർ, വത്സല എന്നിവർ സംസാരിച്ചു.
The 'Pustakapayattu' organized by Pudhu Pannam Vijaya Club became a notable event.
