കനാൽ മലിനീകരം ; ചോറോട് കനാലിലെ വെള്ളത്തിന് കറുപ്പ് നിറം സിഡബ്ല്യുആർഡിഎം സംഘം പരിശോധന നടത്തി

വടകര: (vatakara.truevisionnews.com) നടക്കുതാഴ ചോറോട് കനാലിലെയും വയലുകളിലെയും വെള്ളം പരിശോധനയ്ക്കയച്ചു. വെള്ളം മലിനമായി കറുപ്പുനിറമായ സാഹചര്യത്തിലാണ് സിഡ ബ്ല്യുആർഡിഎമ്മിൽ നിന്നുള്ള സംഘമെത്തി വെള്ളം ശേഖരിച്ചത്. വെള്ളത്തിലെ നിറമാറ്റും ആശങ്കയ്ക്ക് പ്രദേശവാസികളിൽ ആശങ്കയ്ക്ക്

ഇടയാക്കിയിരുന്നു. വടകര നഗരസഭചെറുകിട ജലസേചന വകുപ്പിനോട് നടപടി സ്വീകരിക്കണമെന്ന് ആവശ്യപ്പെട്ടതിനെ തുടർന്നാണ് സിഡബ്ല്യുആർഡിഎം സംഘമെത്തിയത്.

വടകര നഗരസഭ പരിധിയിലെ കനാലിലും വയലിലും വെള്ളത്തിന് നിറവ്യത്യാസമുണ്ട്. കനാൽ വെള്ളത്തിൽ കക്കൂസ് മാലിന്യം തള്ളുന്നതായും സംശയം ഉയർന്നിരുന്നു. പ്ലാസ്റ്റിക് മാലിന്യം ഉൾപ്പെടെ ഒഴുകിയെത്തി വെള്ളക്കെട്ട് ഉണ്ടായതും നിറം മാറ്റത്തിന് കാരണമായിട്ടുണ്ടോ എന്നും പരിശോധിക്കുന്നുണ്ട്. കനാലിന്റെ ഏറാമല പഞ്ചായ ത്ത് പരിധി, വടകര നഗരസഭ പരി ധി എന്നിവിടങ്ങളിൽ നിന്നാണ് വെള്ളം പരിശോധനക്കായി ശേഖരിച്ചത്. സിഡബ്ല്യുആർഡി

എമ്മിലെ സീനിയർ സയന്റിസ്റ്റു മാരായ വി വിവേക്, ജയ്‌റ്റ്, കെമിസ്‌റ്റ് സുധീഷ്, ജലസേചന വകുപ്പ് എഎക്സ്‌ഇ ഹബി, എഇ എം ശ്രീജിത്ത് എന്നിവരാണ് സം ഘത്തിലുണ്ടായിരുന്നത്.

Content Highlight: CWRDM team inspects water in Chorode canal, finds it black

#latest news #Chorode canal #CWRDM #vadakara